Zindagi

Kitne lamhe yuhi guzar die
Unko apna samajhte hue
Jo apne ho na pae kabhi
Kitni tarah dil ko samjha dia
Ki kuch galat to hai
Par khud samajh na pae kabhi
Kyu aisi mod par le ati hai raahe
Ki manzil samne lage
Par fir bhi door ho kahi
Door itni ki tum use pana mushkil soch gaye
Lekin asan itni
Ki use dhunte hue khud hi kho gaye.

Khayalo ka caarvan
Kuch aise bhi khwab bun gaya
Jo kabhi mil na paege kahi.
Kyu sach jante hue bhi
Dil wo maan hi gaya
Jise usne galat sabit kia kahi
Kya tha un isharo ka matlab
Jo ankho ke samne the
Par dikhe na kabhi
Kyu hum khud hi anjan the un sabhi lamho se
Jinhe humne socha tha paa hi lege
Or aj parwah hi nahi.

Mannate karta raha ye dil
Hume apna soch kar
Jise kabhi humne jana nahi
Anjano ki baate sun kar
Dil ko ansuna karke
Jab humne hi use maana nahi
To karta bhi kya akhir
Murjhane ke alawa
Jab humne hi use samjha nahi.
Ab kos rahe ho use ki sath nahi de pa raha
Jab khud hi usko anjana krke
Anjano ki kathputli bane ho kahi.

Kuch kadam chalke to dekho
Dil ke mutabik
Dekha jaega kya hai sahi
Tumhari jin tanhaiyo me
Jaha koi tha hi nahi
Ek Dil to rahega kahi
Fir kya ho koi mukaam
Jo tum pana chaho
Or mil na pae kabhi
Kuch pal hi door reh jaegi manzil
Or jeena seekh jaoge tum khud ki hi zindagi